Sara eta Bittori esker mila aunitz!!! - San Miguel IP - Ikasnova

Gaur eskolak merezitako omenaldia eskaini die eskolako bi erreferentei: Sara Maylin Mindegia eta Bittori Mendiburu Martin. Sorpresaz betetako ekitaldia izan da. Esker mila aunitz!!!

DOINUA: GURE HERRIKO BIKARIUAK.

FAMILIAKO TRATANTE GISA  

EDOZER DEZAKE SALDU

LAN, SOLASALDI, IKASTARO TA

BERRIRIK EZ DUZU GALDU

PARRANDAZALE, AMA, AMATXI

BETI ZAULI ETA MALGU

GORPUTZ HEZKUNTZA IRAKASLEAK

ATSEDENIK HARTZEN AL DU

DOINUA: AMODIOA ZOIN DEN ZOROA.

HAUR HEZKUNTZATIK LEHEN HEZKUNTZARA

ZEGOKION MOMENTUAN

LANGILE ZUZEN, IRAKASLE TA

ZUZENDARITZA POSTUAN.

LANKIDETZAREN IDEIA UTZI

DUZU ZUK MAILA ALTUAN

BETI LAGUNTZA ESKAINTZEKO PREST

ETA BEHAR DEN LEKUAN.

DOINUA: GURE HERRIKO BIKARIUAK.

BEHAR ZENEAN ZORROTZA ETA 

BEHAR ZENEAN GOZOA

LEHEN IKASLE, GERO LANGILE

TA ONDOREN GURASOA

KIROL PROBETAN GISAN URTERO

DOMINATUTA KURTSOA

LORTU DITUZU DOMINA DENAK

ETA PODIUM OSOA

DOINUA: AMODIOA ZOIN DEN ZOROA.

IZAN DITUZUN GISAN OSTATU

TA JANTOKIKO ARDURA

ZAINTZA EKARRI DUZU ALDIRO

IKASLEEN OTORDURA

ZURE KLASEEK EDUKI DUTE

PLATER EDERREN ITXURA

ORAIN ZURETZAT PRESTA ITZAZU

MENUAK ZEURE GUSTURA

DOINUA: GURE HERRIKO BIKARIUAK.

AUTOBUSERA UMEAK ESKE

JOAN- ETORRIAN AMULTSU

JAI BATZORDEAN NAHIKOA BESTA

EZ OTE ZINEN BADA ZU?

ESKOLA LEHEN ORAIN TA BETI 

BIGARREN ETXEA DUZU

HAIN ESKUZABAL ARITZEAGATIK

BESOZABALIK GAITUZU

DOINUA: AMODIOA ZOIN DEN ZOROA.

ESPERIENTZIA GAZTETZEARI

HARTZEN DIOZU NEURRIA

GOGORATUKO DITUGU ZURE

JOLASAK ETA IRRIA

GAUR IRAKASLE KOADERNOAREN

ZURE AZKENEKO ORRIA

SAN MIGUELERA IZANEN ZARA

BETI ONGI ETORRIA

DOINUA: GURE HERRIKO BIKARIUAK.

SAN MIGUEL IZAN DUZU URTETAN

ZURE LANAREN HARROBI

TA ORAIN LASAI PASEATZERA

ZU TA ZURE LAGUN BOBI

OHORE HANDIZ ZU AGURTZEKO

GURE BESARKADA TORI

ERRETIROA TOPERA BIZI

ESKERRAK AUNITZ BITTORI

DOINUA: AMODIOA ZOIN DEN ZOROA.

IBILBIDEA BUKAERARA 

AILEGATU ZAIZU SARA

TA ZUGANAKO SENTITZEN DUGU 

ESKER ONAREN ZIRRARA

MALETAN SARTU OROITZAPENAK

ETA GURE BESARKADA

BIDAIAZ BIDAI AURKI EZAZU

MEREZITAKO PATXADA